Antibakterial yoxsa Antiviral?

Bütün dünyanı lərzəyə gətirən koronavirus epidemiyası ilə şəxsi və ətraf mühitin təmizliyi daha çox önəm kəsb edib. Evimizin qapısının dəstəyindən tutmuş iş masamıza qədər təmasda olduğumuz hər yeri dezinfeksiyaedici kimi biosidal məhsullarla təmizləyirik. Amma əsas məsələ bu biosidal məhsulların dezinfeksiyaedici vasitələrdən istifadə etməkdənsə, effektiv olub-olmamasıdır.

Biosidal məhsullar bazara çıxarılmazdan əvvəl lisenziyalaşdırılmalıdır. Lisenziyalaşdırma mərhələlərində müxtəlif proseslərdən keçən bu məhsullar üçün ən vacib sınaqlardan biri effektivlik testidir.

Mikrob fəaliyyətinin təyini, bir sözlə, sözügedən biosidal məhsulların müəyyən müddət ərzində tətbiq olunduğu səthdə təsirsiz hala salınan mikroorqanizmlərin effektivliyinin müəyyən edilməsidir. Biosidal məhsulların effektivliyinin təyini təsirli olduğu iddia edilən mikroorqanizmlər üzərində aparılır.

Biosidal məhsullarda; Effektivliyin qiymətləndirilməsi bakterisid aktivliyi, funqisid və maya öldürücü aktivlik, sporisidal aktivlik və virususidal aktivlik testləri ilə aparılır. Məhsulun lisenziyalaşdırılması baxımından məcburi və vacib olan bu sınaq prosedurları akkreditə olunmuş laboratoriyalarda həyata keçirilir.

Hal-hazırda koronovirusla mübarizə apardığımız bu dövrdə marketlərdə, apteklərdə əl dezinfeksiyaedici kimi bir çox məhsul var. Ancaq önəmli olan viruslara qarşı təsirli olan məhsullardan istifadə etməkdir. Misal üçün; Bazarda satılan və antibakterial olaraq ifadə edilən məhsullar viruslara qarşı təsirli deyil. Bununla belə, demək olar ki, hər bir ərzaq mağazasının rəfində tapa bilərsiniz.

Pandemiya dövründə spirt əsaslı dezinfeksiyaedici vasitələrdən istifadə etmək tələb olunur. Antibakterial məhsullar dəridəki bakteriyalara qarşı təsirli olsa da, spirt əsaslı dezinfeksiyaedicilər (antiseptiklər) hətta viruslara, bakteriyalara və göbələklərə qarşı təsirli ola bilər.

Nəticədə, bu dövrdə istifadə ediləcək Biosidal məhsulların lisenziyalı məhsul olub-olmadığını və onların təyinatı üzrə istifadəyə uyğun olub olmadığını yoxlamaq vacibdir.